Nós
Así é Fenie Energía
Crer nos soños é construír o futuro
Nacemos froito do empuxe de moitas persoas que creron nun soño no ano 2008 e dous anos máis tarde fixémolo realidade cando se constituíu oficialmente Fenie Energía en 2010.
O soño consistía en crear unha empresa capaz de competir de igual a igual no mercado enerxético e que estivese formada polos especialistas que dan servizo ao cliente nas súas instalacións: os instaladores.
Non só foi un soño dunhas persoas senón tamén a visión dunha organización como FENIE (Federación Nacional de Empresarios de Instalaciones Eléctricas y Telecomunicaciones de España) a que permitiu materializar esta empresa polo ben do cliente e do instalador.
Empezamos co obxectivo de poder ser capaces de achegar valor ao cliente e competir no sector enerxético a través de especialistas, empresas instaladoras, que coñecen as necesidades reais dos consumidores.
A nosa orixe, como parte do noso nome, vén da Federación Nacional de Empresarios de Instalaciones Eléctricas y de Telecomunicaciones, FENIE, formada por máis de medio centenar de asociacións provinciais que representan a máis de 15 000 empresas instaladoras, as cales foron un factor fundamental para a creación e o crecemento de Fenie Energía.
Quere saber máis sobre FENIE?
Dende a nosa constitución, o 2 de marzo de 2010, contamos con 1347 accionistas; dende ese momento fomos crecendo, tanto no número de clientes como no número de accionistas, e en 2015 somos máis de 2400 accionistas e o número de axentes enerxéticos formados por Fenie Energía supera os 1800.
O futuro está nas nosas mans
Fenie Energía é a comercializadora creada polo instalador para dar servizo próximo e de calidade aos seus clientes
Lanzamos continuamente novos produtos dirixidos a mellorar a xestión enerxética dos clientes. Actualmente comercializamos electricidade e gas a todo o territorio nacional, asesoramos os nosos clientes en temas enerxéticos e propoñemos solucións de eficiencia enerxética, baseadas en estudos técnicos personalizados para cada cliente (monitoraxe de consumos e propostas de optimización destes, optimización da tarifa, cambios na iluminación, compensación reactiva,…). Tamén estamos presentes en todos os aspectos relacionados coa mobilidade eléctrica (instalación de puntos de recarga, servizos de recarga, asesoramento sobre instalacións de puntos de recarga).
Presentes en toda España, e grazas aos nosos axentes enerxéticos, temos unha das maiores redes comerciais. Grazas a eles podemos ofrecer aos nosos clientes un servizo personalizado, co obxectivo non só de reducir o consumo enerxético senón tamén o seu impacto no medio ambiente.
Todas estas solucións sempre están acompañadas e ofrecidas por un axente enerxético, especializado e formado en todos os produtos que ofrece.
Toda a formación que impartimos en Fenie Energía canalízase a través da Escola de Eficiencia Enerxética, que forma os instaladores, converténdoos en axentes enerxéticos, para así poder ofertar os diferentes produtos nos que se especializaron, o que, unido á experiencia da súa propia empresa instaladora, os converte na rede comercial mellor formada.
Os nosos valores
- A confianza que os nosos instaladores xeran nos clientes
- A eficiencia que experimentan os nosos clientes.
- A sinxeleza das persoas que formamos Fenie Energía.
- A proximidade entre o cliente e o instalador.
- A dimensión, xa que somos a maior rede de asesores enerxéticos de España.
- A transparencia na información facilitada aos nosos clientes.
Información corporativa
Fenie Energía S.A. é una compañía comprometida co desenvolvemento sustentable e a mellora continua. Fronte aos retos presentes e futuros que presentan a protección do medio ambiente e o cumprimento dos requisitos dos nosos clientes, Fenie Energía implantou unha serie de Sistemas de Xestión para lograr os nosos obxectivos de sustentabilidade e excelencia no servizo.
Todos os nosos Sistemas de Xestión están baseados nas normas de prestixio, reputación e validez internacional (Estándares UNE-EN ISO) que permitiron á compañía converterse nunha organización de referencia en cuestións tan importantes como o medio ambiente, a eficiencia enerxética e a satisfacción dos nosos clientes, cada vez máis esixentes cos servizos e produtos comercializados no mercado.
Certificacións
Fágase accionista
Únase a unha gran compañía, dea valor ao seu negocio.
Fágase accionista de Fenie Energía e forme parte da maior rede de asesores enerxéticos de España.
Vantaxes
- Pertencer a unha das compañías independentes máis importantes do sector enerxético español.
- Ter acceso ás vantaxes de pertencer a un gran colectivo, con descontos e ofertas exclusivas (pertenza ao Club do Accionista).
- Obter unha rendibilidade polas súas accións.
Se é empresa instaladora
- Ampliar o seu negocio coa venda de enerxía, servizos de aforro enerxético e novos produtos que continuamente se van lanzando.
- Ter un soporte profesional adaptado ás súas necesidades.
- Desenvolvemento profesional como instalador con cursos de formación e reciclaxe periodicamente para que teña o maior coñecemento posible do sector e dos cambios regulamentarios.
Se está interesado en formar parte de Fenie Energía, solicite máis información a través do correo electrónico accionistas@fenieenergia.es
A través deste formulario:
Traballe con nós
Se é unha persoa inquieta, dinámica, cun alto grao de involucramento, capacidade para aprender e quere pertencer a un equipo motivado, unido e ilusionado
Estamos a buscalo!
Polo de agora, non temos ningún proceso de selección, pero podes enviar o teu CV a rrhh@fenieenergia.es para poder telo en conta en futuros procesos.
