Somos unha empresa comercializadora creada por miles de compañías instaladoras do país, que ofrecen asesoramento personalizado en eficiencia enerxética a través dos nosos Axentes Enerxéticos.

Ofrecemos aos nosos clientes, a través dos nosos Axentes, a contratación de electricidade e gas, representación de produtores, así como produtos de eficiencia enerxética, como o autoconsumo ou a mobilidade eléctrica, co obxectivo de que adopten hábitos de consumo que lles axuden a aforrar enerxía e aproveitala de forma eficiente.

Apostamos por un modelo que prioriza o aforro responsable dos nosos clientes cun servizo próximo, honesto e transparente que brindan os nosos Axentes Enerxéticos. Un servizo baseado na eficiencia e que converte ao cliente en protagonista dunha transición enerxética necesaria para que as futuras xeracións teñan garantidas as súas necesidades, demostrando que outro modelo máis social e sostible é posible.

Nacemos para atender unha demanda social, a do colectivo dos instaladores eléctricos que, por unha banda, estaban a verse ameazados polas prácticas abusivas das empresas enerxéticas tradicionais e, por outro, eran conscientes de que eles eran os únicos que podían achegar á sociedade o mellor equipo de expertos para acompañar ao cliente no camiño cara á transición enerxética.

Desde 2008 uníronse ao noso proxecto moitas empresas instaladoras, que tiveron a coraxe e a convicción de crer que podían competir de igual a igual no mercado enerxético, creando unha empresa que estivese formada polos especialistas que dan servizo ao cliente nas súas instalacións: os instaladores eléctricos.

O compromiso coa contorna e o desenvolvemento local é, por tanto, parte do noso ADN. Actualmente, ofrecemos soporte e formación en eficiencia enerxética a máis de 2.400 Axentes Enerxéticos, na súa maioría micropemes e autónomos do sector das instalacións, repartidos por toda a xeografía española, principalmente en zonas rurais.

Somos desde 2016, ademais de empresa comercializadora, xeradora de enerxía a través dos parques eólicos de Ourol e Sorihuela e representamos no mercado a máis de 3.000 produtores de enerxía renovable, a maioría de tecnoloxía solar fotovoltaica.

Actualmente, atopámonos inmersos na expansión da nosa capacidade de xeración renovable. Recentemente, adquirimos unha planta de xeración fotovoltaica na provincia de Córdoba e, como estratexia de futuro, prevese o investimento dos nosos beneficios en novas oportunidades de xeración renovable.

Imaxe